English

Donate

English

Hafan > Newyddion > Llongyfarchiadau Mawr i Cheryl ar ei chyflawniad ym Marathon Llundain!

Mai 8, 2026

Llongyfarchiadau Mawr i Cheryl ar ei chyflawniad ym Marathon Llundain!

Gan Shania Jones

Rydym wrth ein bodd yn estyn llongyfarchiadau anferthol i Cheryl, a gwblhaodd Marathon Llundain mewn arddangosfa anhygoel o benderfyniad, ymrwymiad a haelioni.

Dydy herio’r cwrs 26.2 milltir byd-enwog ddim yn gamp fach, ond fe wnaeth Cheryl dderbyn yr her, gan groesi’r llinell derfyn mewn amser gwych o 3 awr a 54 munud. Gyda chefnogaeth y torfeydd yn bloeddio a misoedd o hyfforddiant ymroddedig, mae ei chyflawniad yn rhywbeth y gall fod yn wirioneddol falch ohono.

“Wow, am ddiwrnod oedd dydd Sul! Roeddwn i mor nerfus y bore hwnnw ac roedd Llundain yn teimlo’n gynnes, hyd yn oed yn gynnar yn y bore. Roedd y rhedwyr i gyd mor gyfeillgar, ac roedd pawb yn gyffrous ond yn nerfus am yr her oedd o’u blaenau.

Y marathon ei hun oedd un o’r pethau anoddaf i mi erioed ei wneud, yn feddyliol ac yn gorfforol. Roedd y torfeydd yn anhygoel, a llwyddais i weld fy nheulu am gwtch ar filltir 17! Ceisiais aros yn gyson gydag egni ac wedi hydradu drwyddi draw ac roeddwn i wirionedd yn teimlo’n gryf yn yr ychydig filltiroedd olaf!

Dw i mor falch o fod wedi rhedeg marathon sub 4! Talodd yr holl fisoedd hynny o hyfforddi ar y boreau tywyll a gwlyb hynny, gyda rhai ffrindiau gwych, ar ei ganfed. Fy hoff ran o’r ras oedd Tower Bridge, mwy na thebyg. Roeddwn i’n gobeithio mwynhau’r ganolfan siopa yn fwy, ond dw i’n meddwl roeddwn i dim ond eisiau gweld y llinell derfyn erbyn hynny.

Diolch yn fawr iawn i Elusen Iechyd Powys am roi’r cyfle i mi redeg ym marathon Llundain! Fe wnaeth wir fynd tu hwnt i’m disgwyliadau ac mae’n bendant yn dic ar fy rhestr bwced! Wna i fyth anghofio fy marathon cyntaf, ac am brofiad oedd o.” – Cheryl

Yn fwy ysbrydoledig fyth yw’r rheswm pam y dewisodd Cheryl ymgymryd â’r marathon. Rhedodd er budd Elusen Iechyd Powys, gan godi arian i helpu gwella gofal a chanlyniadau i gleifion anadlol ledled Powys. Daeth ei chymhelliant o awydd i gefnogi pobl sy’n byw gyda diffyg anadl a chyflyrau anadlol hirdymor, gan eu helpu i gael mynediad at y gofal, yr offer a’r adnoddau sydd eu hangen arnynt i fyw’n dda.

Diolch i haelioni teulu, ffrindiau, cydweithwyr, a’r gymuned ehangach, mae Cheryl wedi codi swm anhygoel o £3,371 ac mae’n dal i gynyddu!

Bydd yr arian a godir yn helpu cefnogi gwella gwasanaethau anadlol ledled Powys, gan wneud gwahaniaeth gwirioneddol a pharhaol i gleifion a gwasanaethau yn ein cymunedau.

Er efallai bod y marathon drosodd, mae tudalen codi arian Cheryl dal ar agor. Mae amser o hyd i ddangos eich cefnogaeth a chyfrannu, mae pob rhodd, ni waeth ei maint, yn helpu gwneud gwahaniaeth ystyrlon. Os nad ydych chi wedi cael cyfle i gyfrannu eto, gwnewch hynny tra gallwch chi o hyd.

JustGiving

Rydym yn hynod ddiolchgar i Cheryl am ei hymroddiad a’i hymrwymiad, ac i bawb a roddodd, a rannodd negeseuon calonogol, ac i bawb a’i chefnogodd ar hyd y ffordd. Mae cyflawniadau fel hyn yn dangos yr effaith bwerus y gall unigolion ei chael pan fyddant yn dewis herio eu hunain dros achos sy’n agos at eu calonnau.