Taith Haf Tîm yr Elusen
Gwnaeth Taith Haf 2024 Tîm yr Elusen ei ffordd trwy Bowys, gan feithrin cysylltiadau newydd a chryfhau cysylltiadau â staff, timau ac aelodau’r gymuned. Dros ychydig wythnosau, cafodd y tîm y pleser o ymweld â holl brif safleoedd ysbytai Bwrdd Iechyd Addysgu Powys (BIAP) yn haf 2024.
“Roeddem yn gyffrous i gwrdd â chymaint o staff ymroddedig ar draws ein safleoedd iechyd, clywed eu syniadau, ac archwilio sut y gall arian elusennol gefnogi eu hymdrechion orau i ofalu am gleifion,” meddai Martin O’Brien, Rheolwr yr Elusen. “Roedd yr ymweliadau hyn yn gyfle gwych i adeiladu perthnasoedd parhaol a sicrhau bod ein gwaith yn cyd-fynd ag anghenion gwirioneddol y gymuned gofal iechyd.”
Yn ystod pob ymweliad, siaradodd dîm yr elusen â staff i ddeall eu hanghenion unigryw ac archwilio sut y gall cyfraniadau elusennol gael effaith ystyrlon ar ofal cleifion. Roedd tîm yr Elusen wrth ei fodd gyda’r adborth a’r syniadau a rannwyd gan weithwyr gofal iechyd, a fydd yn helpu arwain syniadau a phenderfyniadau cyllido yn y dyfodol.
“Rydyn ni wedi cael sgyrsiau gwych yn barod, ac fe wnaethon ni fwynhau cyfarfod a siarad â staff ar bob cam o’n taith,” ychwanegodd Martin. “Mae pob rhyngweithiad yn dod â ni’n agosach at gyflawni ein cenhadaeth o wella gofal cleifion ar draws y rhanbarth.”
Os oes gennych rai syniadau ar godi arian, noddi prosiectau newydd neu os oes gennych ddiddordeb mewn cyfarfod â thîm yr elusen ar unrhyw adeg, cysylltwch â ni am fwy o wybodaeth.
Dros y 10 wythnos diwethaf, mae Tîm Elusen Iechyd Powys wedi cael y pleser o ymweld â phob safle ledled Powys fel rhan o'n dathliadau pen-blwydd yn 30 oed.
Mae ystafell synhwyraidd newydd wedi agor yng nghanolfan blant Ynys Y Plant yn y Drenewydd er cof am Sioned Harris a fu farw'r llynedd.
Rydym wrth ein bodd yn estyn llongyfarchiadau anferthol i Cheryl, a gwblhaodd Marathon Llundain mewn arddangosfa anhygoel o benderfyniad, ymrwymiad a haelioni.
Mae Elusen Iechyd Powys yn cyhoeddi cylchlythyr chwarterol, cofrestrwch i glywed am ein newyddion da, prosiectau newydd, ein hymgyrchoedd a chyfleoedd eraill o sut y gallwch ein cefnogi.